Водителката Сања Савеска денеска со вас го споделува својот рецепт за убав ден. Уживајте!
Рецепт за убав ден во време на светска пандемија, кога движењето е препорачано да се сведе на минимум. Во вакви услови се е поразлично од вообичаено. Впрочем, сега точно сфаќаме што навистина значи убава и долга прошетка, парк исполнет со детски џагор и смеа, сега сфаќаме дека онаа реченица “ајде, се слушаме и гледаме на кафе”, а кажана во брзање требала да се оствари, а не да брзаме во секојдневните трки кои сами ги наметнуваме . Животот овие денови не потсетува дека не треба ништо да чекаме и планираме, да живееме и да го зграбиме секој момент, да се радуваме на се околу нас. Во тоа е убавината на денот, на животот. Рецептот треба овие тешки денови да го научеме сите. Среќата и убавината се во домот и семејството. Тука е најбезбедно, најтопло, најсигурно. Мене и не ми пречи оваа препорака, бидејќи отсекогаш најсреќна сум кога можам да останам дома. Вистинската радост е секогаш дома. Голема шоља турско кафе е убедливо најдобар почеток на денот, без оглед на околностите денот ми започнува исто.
Не е секоја жена дама!