Може ли кокосовото масло да се користи за раст на косата?

Кокосовото масло е високо ценето во современото општество за неговата широка употреба. Покрај тоа што додава суптилен вкус на секое јадење, може да се користи и за многу домашни работи, како одржување на дрвени подови. Покрај тоа, кога станува збор за грижа за вашата убавина, тоа е главната состојка во кремите за нега на лице и тело. Се разбира, неговата цел не завршува тука, бидејќи, како што тврдат експертите, тоа е многу погодно за раст на косата.

Секој ден, вашата коса е изложена на бројни загадувачи од воздухот, временски услови, како и на влијанието на алатките што се користат за стилизирање на косата, како што се фен и пегла. Исто така, бројни производи за стилизирање на коса, како што се гел, лак, пена и восок, ја оштетуваат вашата коса. Сите овие работи всушност ја вадат влагата и протеините од вашата коса, правејќи ја сува, склона кон кршење и опаѓање.

Кокосовото масло може да ви помогне при овие проблеми, па затоа е честа состојка во производите за нега на коса. Содржи лауринска киселина која, за разлика од другите масни киселини, продира длабоко во косата. Како резултат на тоа, косата не ги губи своите вредни протеини и во исто време останува хидрирана. Кокосовото масло придонесува за поцелосна, посјајна и поздрава коса. Благодарение на ова масло, косата изгледа помека, помазна и лесна за обликување.

Наједноставен начин е да се нанесе кокосово масло директно пред или после миење на косата на скалпот. На овој начин ја заштитувате косата од оштетување.

Можете да го користите и како маска за коса 2-3 пати неделно. Потребно е да се растопи и да се нанесе на косата, и да се распореди по должината на косата со помош на чешел. Оставете да делува околу 30 минути и потоа исплакнете.

Плус, може да се користи како завршна обработка за вашите суви краеви. На влажна коса, треба да нанесете помало количество од ова масло од половина од должината на косата до краевите и оставете го да се исуши природно.

loading...