Ковид-19 или сезонска алергија?

Ова е време на есенски алергии, особено на амброзија, која е една од најсилните природни алергени. Иако цвета на почетокот на јули, во моментов концентрацијата на полен е на врвот. Но, покрај амброзија, има и други растенија, треви и плевели како што е копривата, која може да биде алерген. Како и да е, како да ја препознаете разликата помеѓу симптомите на вирусот КОВИД-19 и сезонските алергии?

Ако во последно време имате болки во грлото, затнат нос и синуси, сигурно сте се запрашале дали можеби станува збор за инфекција со коронавирус. Особено поради фактот што бројот на заразени лица расте поради многу преносливата варијанта на вирусот Делта. Иако постојат симптоми со кои КОВИД-19 и алергиите може да се преклопуваат, постојат и клучни разлики што ќе ви помогнат да ја разберете разликата.

Ковид-19 и симптоми на алергија
Првото и најважното нешто е да ги знаете основните разлики помеѓу овие две работи. Сезонските алергии покажуваат симптоми предизвикани од воспалителен имунолошки одговор и се јавуваат кога вашето тело претерано реагира на алергени, како што е поленот. Обично се појавуваат кога се опрашуваат растенијата – во пролет, лето и есен.

Ковид-19 е заразна болест, вирус што може да предизвика тешкотии при дишењето или отежнато дишење, посочуваат од Центрите за контрола и превенција на болести.

Експертите објаснуваат дека Делта сојот на вирусот е различен од другите видови во симптомите, кои вклучуваат болки во грлото, течење на носот, треска и главоболка. Претходните соеви исто така ги имаа овие симптоми, но со гадење, повраќање, дијареа, губење на мирис и / или вкус и кашлица. Овие симптоми се поретки кај новиот вид.

Токму симптомите на сезонски алергии се слични на оние предизвикани од вирусот Делта и може да вклучуваат болки во грлото, затнат нос, течење на носот, кивање, чешање на очите, болки во грлото. Исто така, ако синусите се воспалат, може да настанат главоболки и губење на мирис. И поради зголеменото количество полен, луѓето кои се алергични може да ги почувствуваат сите овие симптоми – или барем некои од нив.

Со доаѓањето на постудените денови, можен е зголемен број на луѓе заразени со грип, особено затоа што се повеќе луѓе се враќаат на активности, како што се работа, училиште или патување, за разлика од минатата година кога се уште држеа социјална дистанца.

Клучни разлики помеѓу симптомите на вирусот КОВИД 19 и сезонските алергии

Една од клучните разлики е температурата. Така, температурата може да биде поврзана со синузитис, но нема да биде присутна кај алергии туку во случаи кај Корона. Симптомите на очите – насолзени очи, чешање во очите – се почести знаци на алергија отколку коронавирусот, а најверојатно алергиите нема да доведат до отечени лимфни јазли или тешки респираторни проблеми.

Во секој случај, доколку се сомневате, консултирајте се со вашиот лекар или направете тест за КОВИД-19 за да ја потврдите точната дијагноза.

loading...