Не знам од кои светови доаѓаат убавите сонови…

Не знам од кои светови доаѓаат убавите сонови.
Не ќе да се од овој.
Овде се мрази.
Овде се гази.
Овде ноќите се отровни, а утрата безлични.
Не знам од каде ми доаѓаш во мисли.
Ги влечеш со тебе сите ѕвезди и шепотиш тивко:Замисли си желби.
Се смееш како мало дете додека си играш со моите чувства.
Од оган.
До лед.
Бесконечно вртење на вртелешка од копнежи.
Не знам од каде доаѓаат големите зборови.

Кои?…ме прашуваш.
Љубов.
Ти.
Љубов.
Ти.
Љубов.
Ти.
Љубов…
Така те познавам.
Не знам од каде доаѓаш.
Од кои си светови…
Љубов.
Ти…
Безвремена си.

Маја Спасовска

Испратете и Вие ваш текст на  info@ubavo.mk